Sa do të jetë rritja ekonomike vitin e ardhshëm? Përgjigjet eksperti i ekonomisë

Eksperti i ekonomisë, Fatos Çoçoli thotë se rritja ekonomike për vendin tonë në vitin 2023, pritet të jetë 2.4%, sipas parashikimeve edhe nga FMN-ja.

Për Euronews Albania, Çoçoli u shpreh se rritja parashikohet të jetë e vogël, për faktin se inflacioni do të vijojë të jetë i lartë.

Sipas tij, nëse në 6 muajt e parë do të kemi një periudhë të mirë hidrike, rritja ekonomike mund të shkojë deri në 2.6%.

“Është një rritje e vogël, qeveria mendon të jetë pak më rozë, 2.4%. Pse ndodh e tillë? Sepse do vazhdojë të kemi një inflacion shumë të lartë. Inflacioni grryen rritjen ekonomike, të grryen çmimi i lartë vlerën e parasë që ke në xhep. Pavarësisht që mund të kesh një indeksim të pagës që merr apo pensionit me nivelin mesatar të inflacionit.

Sërish do kemi më pak konsum dhe kjo është arsyeja pse pritshmëritë janë shumë më të ulëta. Gjykoj se ndoshta nëse kemi një periudhë hidrike të mirë në 6 muajt e parë të vitit të ardhshëm, rritja mund të jetë deri në 2.6%”, theksoi ai.

LEXONI GJITHASHTU

• Gjallërohet ekonomia, në verë rritja e PBB-së 4%, edhe konsumi u shtua në popullatë
• Çmimet po ulen në treg, inflacioni në nëntor zbriti në 7.9%
• Inflacioni në Eurozonë shënon rënie në nëntor