“Sa ishte kthyer nga Anglia”- Del fotoja e viktimës, autorët e qëlluan në banesë

Një ngjarje e rëndë kriminale u shënuar mesditën e kësaj të marte në qytetin e Shkodrës, ku u vra në ambientet e banesës së tij shtetasi Petrit Vuksani.

Burime për Euronews Albania bëjnë me dije se Vuksani u qëllua nga kushëriri i tij Lekë Vuksani, në ambientet e banesës në lagjen ‘Skëndërbeg”.

Mësohet se viktima kishte vetëm pak ditë që ishte kthyer nga Anglia, vend në të cilin jetonte dhe punonte.

Shkak i ngjarjes dyshohet të jetë bërë kërkesa e lekëve të qerasë që viktima i bëri kushëririt të tij Lekë Vuksani. Ky i fundit pas konfliktit, i ka shkuar me automatik në banesë ku dhe e ka ekzekutuar.

Shërbimet e Policisë dhe grupi hetimor kanë shkuar menjëherë në vendngjarje dhe po punojnë për kapjen e autorit.

LEXONI GJITHASHTU: 

• Vrasje me armë zjarri në Shkodër, humb jetën 48-vjeçari
• “S’mbaj mend asgjë”- Flet burri që qëlloi me sëpatë në kokë gruan pas sherrit banal