Sa kushton rritja e një fëmije?

Ardhja në jetë e një fëmije, është ngjarja më e bukur në jetën e një çifti. Por nga ana tjetër, dy prindërit, duhet të përgatiten për një listë të gjatë faturash.

“Kemi të bëjmë me koston para lindjes, koston e vitit të parë dhe koston e rritjes”, thotë gazetarja Deada Hyka.

Shpenzimet nisin që në fillimet e shtatzënisë, për përfshin analizat, ndryshimi i gardërobës së nënës, medikamentet, deri në ditën e ardhjes në jetë të foshnjës.

“Sa i përket kostot para lindjes, na rezulton se mesatarisht, ardhja në jetë e një fëmije kushton 1 milion lekë të vjetr’, theksoi ajo.

Një tjetër fazë është ajo e vitit të parë të jetës së një bebeje. Mesatarisht, një çift shpenzon më shumë se 900 mijë lekë të vjetra, vetëm për produktet bazë.

“kosto e vitit të parë, përfshin gamën e fëmijëve, karroca, krevati rrobat dhe sërisht kosto duke marrë parasysh gjërat bazike, tek produket e domosdoshme, do theksoja rroba dhe ushqime. argëtimi në këtë kohë krize, mbetet i fundit në listë”, u shpreh Hyka.

E teksa fëmija rritet, rriten edhe shpenzimet. Për këtë nuk ka një shifër, pasi kërkesat janë të ndryshme, nga secili fëmijë.

LEXONI GJITHASHTU

• Përse shqiptarët bëjnë më pak fëmijë?
• Bie numri i lindjeve, mbi 1500 foshnje më pak në tremujorin e tretë
• Në Shqipëri afërisht 80 mijë diabetikë, rreth 4 mijë raste të reja