“Sa ngrihem bëj tualetin”, ish-mësuesja e pazakontë: Në shtëpi duhet të jesh e bukur

Violeta, një ish-mëseuese e cila jeton në Tiranë në një kabinë elektrike me sipërfaqe 23 metra katrorë, zgjodhi të rrëfejë copëza nga jeta e saj në emisionin “Real People” në Euronews Albania.

Në një intervistë të dhënë nga banesa e saj modeste, por e zbukuruar me piktura dhe lule, ajo tha se personalisht kujdeset shumë për veten.

Violeta zbuloi se çdo ditë pasi çohet në mëngjes pavarësisht orës, zbukurohet qoftë edhe për të qëndruar në shtëpi. Sipas saj kujdesi duhet të fillojë nga vetja.

“Kur ngrihem në 5, në 6 apo në 7 të parën gjë që do bëj, do bëj tualetin. Po pse? Këtë e kam nga mamaja, “në shtëpi duhet të rrish e bukur se kur të dalësh përjashta nuk do të dalësh zhveshur dhe krije kokën të zvogëlohet dhe fshije shtëpinë të zmadhohet”. Shumë e bukur. Kujdesi duhet të filloj nga vetja. Dhe unë kurrë nuk dal pa u rregulluar dhe kjo bëhet që në mëngjes”, tha Violeta.

LEXONI GJITHASHTU

• Jeton në kabinë elektrike, mesazhi i ish-mësueses: Kush u dëshpërua dhe s’u shëmtua
• ‘Dikur ishte i mbushur me tela’, Violeta: Jetoj në kabinë eletrike, 23 metra katrorë
• Ka shkruar dy libra, habit ish-mësuesja: Duhet të ketë ambient të bukur tualeti