Sa persona lirohen sot nga amnistia në burgun e sigurisë së lartë të Peqinit

Këtë të mërkurë 24 prill, nis dhe zbatimi i ligjit për amnistinë penale, pas miratimit në Kuvend me konsensusin e opozitës dhe mazhorancës.

Nga burgu i Peqinit përfitojnë amnistinë 14 të dënuar, kryesisht atyre që u ka mbetur 12-15 muaj dënim dhe kanë kryer vepra të lehta penale, ndërkohë  30 të tjerë përfitojnë ulje dënimi.

Duke qënë se bëhet fjalë për një burg të sigurisë së lartë në të cilin vuajnë dënimin kryesisht persona që kanë kryer krime të rënda, numri i të dënuarve që do të lënë qelitë është vetëm 14.

Nga amnistia përfitojnë 1100 të dënuar, nga të cilët 700 do të lirohen menjëherë, ndërsa 400 të tjerë përfitojnë ulje dënimi.

Përfitojnë gjithashtu dhe 2 700 persona në shërbim prove.

Sipas ligjit të botuar në fletoren zyrtare, nga amnistia do të përfitojnë personat që u ka marrë formë të prerë dënimi deri në datën 31 mars 2024, por dhe protestuesit e opozitës.