Sa siguri kanë shqiptarët në punë në Greqi dhe Itali?

Tragjike ka qenë ajo që ndodhi me një 54-vjeçar shqiptar në Greqi, i cili ka humbur jetën si pasojë e një aksidenti fatal në punë.

Ngjarja e rëndë ndodhi mbrëmjen në zonën e Varit, teksa ai po punonte në një rrugë duke shtuar fibra optike.

Sipas mediave greke, 54-vjeçari, baba i dy fëmijëve ka qenë duke vijuar punën dhe makineria që shërben për çarjen e betonit, nuk e ka parë, dhe i ka kaluar sipër, duke i prerë kokën. Për shkak të aksidentit janë arrestuar dy drejtuesit e makinerive dhe policia po vijon hetimet e mëtejshme.

Rasti i shqiptares që vdiq te makina e mishit

Disa javë më parë mediat greke raportuan vdekjen e një shqiptareje që punonte në një dyqan mishi ku kryente punë, kryesisht pastrimi, me makineri që prisnin mishin.

50 vjeçares, në rrethana pak të paqarta i ka kapur makineria flokët dhe si pasojë e ka tërhequr duke e prerë.

Ajo që e bën edhe më të rëndë këtë ngjarje është prania e vajzës së viktimës gjatë këtij aksidenti. Vajza, është marrë nga shërbimi spitalor me urgjencë pasi është traumatizuar. Mësohet se shqiptarja kishte dy vite që kishte emigruar drejt Greqisë, bashkë me dy fëmijët, pasi ishte divorcuar.

LEXONI GJITHASHTU: 

• Spahiu: Parlamenti s’ndalon dot procedimin penal për Berishën, por masën e sigurimit
• Berisha do merret me forcë? Karapanço: Të gjithë skenarët mbi tryezë