Berisha do merret me forcë? Karapanço: Të gjithë skenarët mbi tryezë

Gazetarja Marsela Karapanço tha në një intervistë për “Now me Erla Mëhillin” se ekzistojnë të gjithë skenarët për Sali Berishën, por është e sigurt që drejtësia do të veprojë.

Sipas saj, është e rëndësishme lëvizja e Berishës me përfaqësimin e avokatëve.

“Mendoj që drejtësia do të veprojë. Nëse do të jetë skenari i fundit ai i marrjes me forcë, nëse do të ketë një qasje të re nga ana e prokurorisë për t’iu drejtuar parlamentit ose një skenar tjetër që gjyqtarja, Irena Gjoka do të shkarkohet apo do të lëvizet nga çështja, mund të merret sërish një trup tjetër dhe trupa tjetër mund të ketë skenarin që ta dërgojë te parlamenti kjo mbetet për t’u parë. Është lojë e hapur tashmë, por ajo çfarë është e rëndësishme është lëvizja e zotit Berisha me përfaqësimin e avokatëve,” – u shpreh Karapanço.

LEXONI GJITHASHTU:

• Pse nuk e pranon Berisha gjyqtaren? Gazetari zbardh prapaskenat
• Xhunga: Berisha nuk po goditet as nga Rama, as nga SPAK, por nga SHBA