Sa vota i duhen Gjykatës për shkarkimin e Metës?

Nëse Gjykata Kushtetuese do të ishte e plotë, me të 9 anëtarët e vet, gjasat që të votohej pro shkarkimit të presidentit Ilir Meta do të ishin më të mëdha.

Mundësitë që kjo të ndodhë sipas Dardan Mustafajt, ish-këshilltar i Gjykatës Kushtetuese, janë më të vogla në Gjykatën aktuale me 7 anëtarë gjithsej, nga të cilët duhen të paktën 5 vota pro të që shkarkohet presidenti.

Vendimi i gjykatës tha ai pritet të publikohet fillimisht në faqen zyrtare e më tej të arsyetohet brenda 30 ditëve nga shpallja e vendimit.

Mustafaj tha se shkarkimi i presidentit nga Kuvendi u bë për shkelje të rëndë të kushtetutës, ndërkohë që nuk ka asnjë specifikim lidhur me këtë në vendin tonë.

“Nga praktikat ndërkombëtare shkelje të rënda konsiderohen rastet korruptive, në rastin konkret kemi të bëjmë me fjalë të presidentit dhe pretendohet se ka shkelur unitetin kombëtar. Këto në fakt janë pjesë e rolit juridik që duhet të luajë presidenti. Kjo është tragjedia që po luhet këtu, se shkarkimi i presidentit për këtë arsye është se parlamenti duhet të përfshihet me aspektin demokratik dhe kushtetuesja me atë juridik, në një kohë që të dyja kanë qenë të paplota”, shpjegoi juristi.

LEXONI GJITHASHTU:

• Kushtetuesja do të vendosë brenda 30 ditësh për shkarkimin e Metës
• Shkeljet për të cilat Kuvendi shkarkoi Metën