Dhjetëra simpatizantë të Partisë Demokratike u mblodhën këtë të mërkurë në ambientet e jashtme të SPAK ku pritën me brohorima kreun e Partisë Demokratike, Sali Berisha.

Nën thirrjet “O Sali, o hero, gjithë Shqipëria ty të do”, simpatizantët e PD rrethuan makinën që shoqëroi Berishën në organin e akuzës.

Në një moment pas daljes nga automjeti, Berisha hipi mbi makinë dhe përshëndeti turmën e ekzaltuar.

Të pranishëm në protestë ishin dhe deputetët e Partisë Demokratike dhe eksponent të lartë drejtues të kësaj force politike.

Për herë të parë në protestë para SPAK ka amrrë pjesë edhe Gazment Bardhi.

Kryetari i Partisë Demokratike, Sali Berishës dhe më pas dhëndri i tij, Jamarbër Malltezi do të paraqiten në SPAK për t’u njohur me akuzën për çështjen e kompleksit Partizani.

Forcat e Sigurisë Kombëtare si dhe efektivë të shumtë të policisë kanë rrethuar godinën e Prokurorisë së Posaçme në kuadër të planit të masave për mbarëvajtjen e protestës së thirrur nga opozita.

LEXONI GJITHASHTU:

• “Nuk ka lind njeri që të gjej korrupsion tek unë”, Berisha mbrohet në SPAK
• Berisha mohon akuzat e SPAK, sulmon Ramën: Nuk do ta marrë mandatin e katërt