Sali Berisha kërkon ndihmën e qytetarëve: Të vazhdojmë së bashku këtë betejë

Sali Berisha në një deklaratë për mediat në fund të seancës i bëri thirrje qytetarëve që t’i bashkohen kauzës së opozitës për rikthimin e pluralizmit dhe demokracisë.

Berisha tha se opozita është e vendosur të qëndrojë në Parlament duke mos lejuar funksionimin normal të tij, deri në rikthimin e të drejtave që kushtetuta ua garanton me ligj.

“Ky parlament është turpi i Shqipërisë, kanë frikë nga të drejtat kushtetuese të opozitës. Përsëri mbrojnë pasuritë e vjedhura. Përsëri mbrojnë Edi Ramën. Vazhdon kolapsi i plotë dhe asgjësimi i pluralizmit në Parlament. Ne vazhdojmë me vendosmëri, e konsiderojmë mbështetjen tuaj vendimtare për largimin e narko-diktaturës nga Shqipëria. Kam besim të plotë se kjo betejë do të fitohet dhe se Edi Rama vendosi të bëjë gjithçka për të shpëtuar lëkurën e tij. Beteja jonë e ka bërë atë njeriun e pa shpresë”, theksoi ai.

LEXONI GJITHASHTU:

• “Pusho të thashë” – Berisha përplaset me Taulant Ballën në Parlament
• Tensionet në Kuvend, Berisha: Do të vazhdojmë betejën, është aksion pa kthim