Sali Shehu tregon bisedën me Berishën: E kundërshtova për primaret

Sali Shehu, kreu i partisë Fryma e re Demokratike tregoi në një intervistë për Euronews Albania detaje nga takimi me kreun e PD-së Sali Berisha.

Ai tha se folën për një opozitë të bashkuar dhe se Berisha mbrojti tezën e primareve. Shehu sqaroi se e kundërshtoi Berishën për idenë e primareve jashtë Partisë Demokratike, për të cilat u shpreh se nuk do të jenë funksionale.

“Unë mendoj që është i gatshëm në këtë moment që Berisha të demonstrojë dëshirën dhe vullnetin për të pasur opozitën e bashkuar. Kur them opozita i referohem edhe aleatëve. Tema kryesore që folëm ishte opozita e bashkuar, shtylla e bisedës. Berisha e mbrojti tezën e primareve sepse është një filozofi që e ka instaluar në muajt e fundit. Unë i qëndroj mendimit tim që primaret janë zhvillim brenda një partie. Jashtë gardheve të partisë, primaret nuk janë funksionale”, u shpreh Shehu.

Ai u shpreh se është takuar me aleatet në një tryezë informale dhe se këto biseda ia ka treguar edhe Berishës.

LEXONI GJITHASHTU:

• Vuçiç takon ambasadorin rus në Beograd, diskutojnë për Kosovën
• Gjykata lë në burg Fatjon Muratin, u arrestua teksa ishte në makinë me Indrit Doklen
• Galeritë e vdekjes, të paktën 30 minatorë kanë humbur jetën në 5 vitet e fundit