Në kuadër të mbajtjes së samitit të Bashkimit Evropian me vendet e Ballkanit Perëndimor, forcat e policisë ndodhen në gatishmëri për të garantuar rendin dhe sigurinë.

Disa forca të policisë me snajper ndodhen mbi godinën e Universitetit Politeknik të Tiranës në sheshin “Nënë Tereza”, zonë e cila cilësohet brenda perimetrit të sigurisë.

Rreth 1500 efektivë pritet të jenë në terren ndërsa akse të shumta rrugore do të bllokohen për kalimin e delegacioneve.

Në këtë samit, do të jenë të pranishëm 27 liderë evropianë, shoqëruar nga delegacionet përkatëse.

Ndërkohë, krahas samitit, do të zhvillohet një protestë, e thirrur nga Partia Demokratike. Kreu i kësaj force politike, Sali Berisha ka thënë se protesta do të mbahet në orën 12:00 para Kryeministrisë.

Edhe pse policia nuk ka dhënë leje për protestën, Berisha ka deklaruar se populli opozitar do të mbushë rrugët dhe sheshet e Tiranës.

LEXONI GJITHASHTU

• Samit dhe protestë, sot Tirana e ‘blinduar’
• Kolumnisti holandez: Pse mbreti holandez dhe ai shqiptar s’janë të ftuar në Samit?
• Kancelari austriak para samitit në Tiranë: Po dërgojmë një sinjal të fortë afrimi