Drejtori i Përgjithshëm i Policisë së Shtetit, Muhamet Rrumbullaku ka inspektuar në terren masat e sigurisë, në kuadër të zhvillimit të saimit të Bashkimit Evropian me vendet e Ballkanit Perëndimor.

Rrumbullaku, me disa efektivë të tjerë policie kanë inspektuar masat në  Bulevardin “Dëshmorët e Kombit”, zonë e cila cilësohet brenda perimetrit të sigurisë.

Rreth 1500 efektivë do të jenë në terren, ndërsa akse të shumta rrugore janë bllokuar për kalimin e delegacioneve.

Ndërkohë, krahas samitit, do të zhvillohet një protestë, e thirrur nga Partia Demokratike. Kreu i kësaj force politike, Sali Berisha ka thënë se protesta do të mbahet në orën 12:00 para Kryeministrisë.

Edhe pse policia nuk ka dhënë leje për protestën brenda perimetrit të sigurisë, Berisha ka deklaruar se populli opozitar do të mbushë rrugët dhe sheshet e Tiranës.

LEXONI GJITHASHTU

• Shtohen forcat e policisë në Bulevard për samitin e BE-së
• Samiti BE-BP, forcat e policisë me snajper mbi godinën e Politeknikut
• Samit dhe protestë, sot Tirana e ‘blinduar’