Samiti III i Diasporës, Rama: Nuk ka asgjë të paarritshme nëse bëhemi bashkë

Kryeministri Edi Rama mbajti fjalën e tij gjatë ditës së dytë të takimit të Samitit të Diasporës të mbajtur në Tiranë. Ai theksoi se bashkimi i tre njishave do të ishte një ogur i mirë duke iu referuar këtu Samitit III të diasporës, ndërsa kujtoi se ngjarja po ndodh në prag të 111-vjetorit të pavarësisë së Shqipërisë.

“Samiti është një udhëkryq ku bashkohen të gjithë pavarësisht bindjeve apo përkatësive politike përtyej të gjitha përkatësive krahinore dhe vendndodhjes së secilit, si shqiptarë që kanë diçka për të thënë, për të dhënë, për mënyrën se si duhet t’i qasemi sfidave të botës ku jetojmë që padiskutim ndikon vendet ku ne jemi dhe njëkohësish si të bashkojmë më mirë forcat për tja dalë në realizimin e ambicieve dhe objektivave të përbashkëta,” – u shpreh Rama.

Ai theksoi se bashkimi bën që asnjë ëndërr të mos jetë e pamundur duke kujtuar këtu disa nga emrat më të mëdhenj shqiptarë që kanë bërë bujë në arenën ndërkombëtare si: Mira Murati, Mira Mezini, Dua Lipa, Anri Sala, Altin Kadare, Ermonela Jaho, Rita Ora, Igli Tare apo Lorik Cana.

“Kta janë ata që njohim, por sa janë të panjohurit që kanë bërë të mundur atë që sipas mundësive mund të ketë qenë e pamundur. Suksesi i shqiptarëve në diasporë ka treguar se asnjë ëndërr sado e madhe, kur njerëzit e shohin me sy hapur, nuk është e paarritshme,” – u shpreh Rama.

Sipas kryeministrit suksesi do të arrihet vetëm nëse jemi të gatshëm ta synojmë dhe të paguajmë kostot e përpjekjes.

LEXONI GJITHASHTU:

• Rama i dorëzon Silvinjos çmimin “Shqiponja e artë”: Je një shqiptar që po lind
• Rama në Samitin e Diasporës: Po punojmë për binjakëzim me komunat arbëreshe