Sanitarja grabiti zyrtaren, gazetari: SPAK-u ka filluar të lëvizë për këtë çështje

Gazetari Poli Hoxha thotë se Prokuroria e Posaçme (SPAK) ka filluar të lëvizë në lidhje me grabitjen e 120 mijë eurove dhe aksesorëve të floririt, nga sanitarja Rozeta Dobi dhe djali i saj, Havier Dobi, në banesën e zyrtares Alda Klosi.

Në një intervistë për Euronews Albania, Hoxha u shpreh se Klosi ka bërë shkelje, sepse një zyrtar shtetëror, nuk mund të mbajë më shumë se 3 milionë lekë në banesë.

“Kemi të bëjmë me një shifër që pranon vetë e dëmtuara, prej 120 mijë euro. Pavarësisht se thotë janë të xhaxhait, me pagën e saj, do t’i duheshin 10 vite pa i prekur paratë, që të linte mënjanë ato.

Sipas vetë një ndryshimi ligjor që ka bërë Arben Ahmetaj kur ka qenë në detyrë ministër Financash, më shumë se 3 milionë lekë të vjetra, nuk lejohet nga një zyrtar që të mbahet para cash në shtëpi. Në dijeninë time, SPAK-u ka filluar të lëvizë”, theksoi ai.

LEXONI GJITHASHTU

• “Mbi 1 mln euro të vjedhura”, Spahiu zbulon tjetër pasuri marramendëse të pastrueses
• Avokati i Rozeta Dobit: Është normale që babai të vërë djalin para gruas
• “Lumë parash” të grabitura, dalin llogaritë bankare të pastrueses