Një sarkofag i përdorur si arkivol në një resort në detin e Zi, në afërsi të qytetit bullgar të Varnës është identifikuar si një artefakt i epokës romane.

Arkeologët thonë se objekti, i gjetur në një plazh në lokalitetin e Shën Konstantinit, daton në shekullin e dytë të Erës Sonë.

“Jemi plotësisht të sigurt se ky është një sarkofag autentik i epokës romane. Ai daton mes shekullit të dytë dhe atij të tretë, por disa detaje sugjerojnë se mund ta kufizojmë harkun kohor në shekullin e dytë”, thotë Alexander Minchev, arkeolog.

Sipas arkeologëve, zbulimi ngre pyetje serioze mbi kapacitetet për ruajtjen e trashëgimisë kulturore në Bullgari.

“Çdo objekt me vlerë arkeologjike, pavarësisht se ku, kur, apo nga kush është gjetur, i përket shtetit”, shprehet arkeologu.

Artefakti është transportuar për t’u magazinuar në Muzeun Arkeologjik të Varnës, ku do t’i nënshtrohet ekzaminimeve të tjera.

LEXONI GJITHASHTU:

• Shtatë zgjedhje në 3 vjet, dështon përpjekja për formimin e qeverisë në Bullgari
• Dështojnë negociatat për qeverinë e re, Bullgaria me kryeministre të re në detyrë