Kancelari gjerman Olaf Scholz tha se oferta e vendit të tij për të dërguar sistemet e mbrojtjes ajrore “Patriot” në Poloni mbetet në tryezë, pavarësisht sugjerimit të Varshavës që ato të dërgohen në Ukrainë.
“Oferta jonë për qeverinë polake për të mbrojtur vendin e saj nuk është hequr ende nga tavolina”, tha Scholz në një konferencë shtypi në Berlin, raporton AP.
Zëvendës Presidenti i Këshillit të Sigurisë Kombëtare të Rusisë, Dmitry Medvedev, tha sot se nëse NATO fillon të furnizojë Ukrainën me sisteme kundërajrore “Patriot”, ata, së bashku me personelin e NATO-s, do të bëhen menjëherë një objektiv legjitim i ushtrisë ruse, raporton RIA Novosti.
“Nëse, siç ka lënë të kuptohet (Sekretari i Përgjithshëm i NATO-s, Jens) Stoltenberg, NATO fillon të furnizojë fanatikët e Kievit me sistemet e mbrojtjes ajrore “Patriot”, ata, së bashku me personelin e NATO-s, do të bëhen menjëherë një objektiv legjitim i forcave tona të armatosura. Shpresoj që të pafuqishmit e Atlantikut ta kuptojnë atë”, ka shkruar Medvedev në rrjetin social Telegram.
LEXONI GJITHASHTU: