Liberalizimi i vizave me Bashkimin Evropian për Kosovën ishte ndër çështjet kryesore të diskutuara gjatë takimit midis kancelarit gjerman Olaf Scholz dhe Albin Kurtit në Prishtinë, të premten.
Kështu bëri me dijë Scholz në një konferencë të përbashkët për mediat pas bisedimeve.
“BE të bëjë punën e saj për liberalizimin e vizave të Kosovës”, u shpreh Scholz.
Kancelari gjerman bëri me dije se biseduan me Kurtin edhe për rijetësimin e procesit të Berlinit dhe zbatimin e 4 marrëveshjeve, ku përfshihet ajo për lëvizjen e lirë brenda rajonit të Ballkanit Perëndimor dhe njohja reciproke e diplomave.
Scholz foli edhe për dialogun Kosovë-Serbi, ku tha se duhet të avancojë duke çuar në njohje reciproke, si kusht për perspektivën e dy vendeve për të qenë pjesë e BE-së.
“Kosova dhe Serbia të gjejë një marrëveshje politike. Lajçak e mbështet dialogun, një qëndrim konstruktiv në interes të qytetarëve dhe perspektivës së Kosovës në BE. Është e paimagjinueshme që dy vende që nuk e njohin njëra-tjetrën të bëhen pjesë BE-së”, u shpreh ai.
LEXONI GJITHASHTU:
