“S’e kam penguar bashkinë nga burgu”, Veliaj: Kam bërë çfarë më është kërkuar

Ish-kryebashkiaku Erion Veliaj e cilësoi shkarkimin e tij nga detyra për mosprezencë 3 muaj në bashki si shkelje të rëndë.

Veliaj theksoi para trupës së gjykatës kushtetuese se mungesa e tij në zyrën e bashkisë nuk e ka penguar ecurinë e punës së institucionit.

“Në çdo rast që më është kërkuar të veproj, kam vepruar, nuk e kam penguar bashkinë të mbjellë pemë, nuk është penguar pastrimi i qytetit. Nuk kam penguar bashkinë e Tiranës për asgjë, institucionet janë të gjitha aty, drejtorët, stafi, nuk kam ngurruar të marrë asnjë vendim nga burgu. Nuk jam bërë unë pengesë. Ky nuk është një problem që e shkaktova unë, një pjesë e shtetit thotë rri në Durrës në burg, një pse s’ke ardhur, a është i njëjti shteti ky?” tha Veliaj.