Sekretari i Mbrojtjes: Dy anije amerikane kaluan Ngushticën e Hormuzit për neutralizimin e minave

Sekretari i Mbrojtjes i Shteteve të Bashkuara, Pete Hegseth, ka bërë të ditur se dy anije luftarake amerikane, USS Frank E. Peterson (DDG 121) dhe USS Michael Murphy (DDG 112), kanë kaluar Ngushticën e Hormuzit dhe kanë operuar në Gjirin Arabik si pjesë e një misioni më të gjerë.

Sipas Pete Hegseth, ky mision ka për qëllim të sigurojë që ngushtica të jetë plotësisht e pastër nga mina detare, të cilat më herët dyshohet se janë vendosur nga Garda Revolucionare Islamike e Iranit (IRGC), duke garantuar sigurinë e lundrimit në këtë zonë strategjike.

Ai theksoi se operacioni është pjesë e përpjekjeve më të gjera për të ruajtur lirinë e lundrimit dhe stabilitetin në një nga korridoret më të rëndësishme detare për tregtinë globale të energjisë.

“USS Frank E. Peterson (DDG 121) dhe USS Michael Murphy (DDG 112) kanë kaluar Ngushticën e Hormuzit dhe kanë operuar në Gjirin Arabik si pjesë e një misioni më të gjerë për të siguruar që ngushtica të jetë plotësisht e pastër nga mina detare të vendosura më herët nga Garda Revolucionare Islamike e Iranit (IRGC)”, shkruan Hegseth.