Sekretari i Përgjithshëm i OKB dënon përdorimin e tepruar të forcës ndaj protestuesve në Iran

Sekretari i Përgjithshëm i Kombeve të Bashkuara, Antonio Guterres, ka deklaruar se është i tronditur nga raportimet mbi dhunën dhe përdorimin e tepruar të forcës nga autoritetet iraniane ndaj protestuesve në disa zona të Republikës Islamike të Iranit, incidente që kanë shkaktuar dhjetëra viktima dhe shumë të plagosur në ditët e fundit.

“Të gjithë iranianët duhet të jenë në gjendje t’i shprehin kërkesat e tyre në mënyrë paqësore dhe pa frikë”, thekson Guterres në deklaratën e tij. Ai shton se e drejta e lirisë së shprehjes, e organizimit dhe e tubimit paqësor, siç garantohet nga e drejta ndërkombëtare, duhet të respektohet dhe mbrohet plotësisht.

Sekretari i OKB-së i bëri thirrje autoriteteve iraniane të tregojnë vetëpërmbajtje maksimale dhe të shmangin përdorimin e panevojshëm ose joproporcional të forcës.

Ai gjithashtu kërkon ndërmarrjen e masave që do të mundësojnë aksesin në informacion brenda vendit, përfshirë rivendosjen e komunikimeve, për të garantuar transparencën dhe të drejtën për informacion.

Shocked by reports of violence & excessive use of force by the Iranian authorities against protesters resulting in deaths & injuries in recent days.

The rights to freedom of expression, association & peaceful assembly must be fully respected & protected.

I urge the Iranian…

— António Guterres (@antonioguterres) January 11, 2026