Sekuestrohen 15 mijë euro pasuri në Elbasan, në pranga 63-vjeçari i dënuar në Turqi

Një 63 vjeçar i dënuar në Turqi për trafik droge është  arrestuar ditën e sotme në Elbasan.

Policia bën me dije se në kuadër ë operacionit policor të koduar “Fasada 5” është arrestuar shtetasi A. M. i dënuar më parë nga Gjykata e Krimeve të Rënda Ankara, për veprën penale “Trafikimi i lëndëve narkotike”.

Në kuadër të këtij procedimi pasuror, është vendosur sekuestrimi i 3 pasurive me vlerë rreth 150 000 euro, konkretisht:

-një objekt banimi me sipërfaqe 102.6 m2 dhe oborr me sipërfaqe 250 m2, në lagjen “28 nëntori”;

-një objekt shërbimi (lokal) me sipërfaqe 28.4 m2, në lagjen “Haxhias”;

-një automjet tip “Mercedes-Benz S-Class”.

Vijon puna për gjurmimin, lokalizimin dhe sekuestrimin e pasurive të tjera që kanë burim veprimtarinë kriminale të këtij shtetasi.

Materialet procedurale i kaluan Prokurorisë, për veprime të mëtejshme.

LEXONI GJITHASHTU: 

• Brenda banesës ku ka jetuar Dan Hutra, gazetarja: Familjarët kanë ikur jashtë vendit
• Lirohet shoferi i Unazës, arrest shtëpie për 63-vjeçarin