Sekuestrohen 25 mijë litra naftë në Durrës, 4 të arrestuar (EMRAT)

Policia e Durrësit ka arrestuar 4 persona, pasi janë kapur duke kontrabanduar naftë dhe mallra të ndryshme.

Blutë bëjnë me dije se në kuadër të operacionit policior të koduar “Diesel 2”,  në pranga kanë rënë, Neshat Dedej, Artem Rusto, e dy vëllezërit Shpëtim Cani e Roland Cani.

Policia gjatë këtij operacioni ka ndaluar për kontroll anijen e peshkimit ku ndodheshin personat e arrestuar, ku si rezultat i kontrollit në bordin e anijes janë gjetur dhe sekuestruar rreth 25 000 litra naftë.

Sakaq fjatë kontrollit të ushtruar në autobuzin që drejtonte Artem Rusto dhe ku ishte pasagjer Neshat Dedej, u gjetën dhe u sekuestruan 120 shishe dhe 30 litra verë, si dhe 205 kuti me parfume të markave të ndryshëm, mallra të cilët u gjetën pa faturë blerjeje dhe të padeklaruara në doganë.

Materialet i kaluan Prokurorisë, për veprime të mëtejshme, për veprat penale “Kontrabanda me mallra për të cilat paguhet akcizë” dhe “Kontrabanda me mallra të tjera”, kryer në bashkëpunim.

LEXONI GJITHASHTU: 

• 57-vjeçari kërcënon me çifte efektivët, pasi dhunoi bashkëshorten