Sekuestrohen 260 kg kokainë në Slloveni, arrestohet një shqiptar e një brazilian

Policia sllovene ka sekuestruar një ngarkesë të madhe kokaine prej 260 kilogramësh në portin e Koperit.

Kokaina ishte fshehur në një anije mallrash që transportonte sojë nga Amerika e Jugut. Sipas raportimeve, kokaina në tregun e zi kap vlerën e rreth 10 milionë eurove.

Oficerët e sigurisë në port kishin vënë re dy zhytës në anët e anijes që transportonte sojë nga Brazili, të cilët po përpiqeshin të nxirrnin pesë valixhe të mëdha. Dy burrat, një shtetas brazilian dhe një shqiptar, kishin mbërritur në port me jet ski përtej lumit Rizana.

Ata ndodhen në paraburgim. Nuk është hera e parë që në portin e Koperit kapet një sasi kaq e madhe lënde narkotike.

LEXONI GJITHASHTU: 

• Ç’presin rusët| Rizgjedhja e Putin, qytetarët: Asnjë ndryshim, vendi po ecën mirë
• Vodafone mundëson lidhjen e Evropës me rrjetin 2Africa nëpërmjet Portugalisë