Sekuestrohen 70 çadra në plazhin e Golemit, ishin pa lejen përkatëse

Pas kontrolleve të shtuara në vijën bregdetare në Golem, në vijim të operacionit policor të koduar “Plazhi i lirë”, me qëllim lirimin e hapësirave publike, janë sekuestruar 70 komplete me çadra dhe shezlongë, të vendosura në mënyrë të paligjshme nga pushuesit.

Kontrollet kanë vijuar përgjatë gjithë vijës bregdetare, me qëllim lirimin e hapësirave publike që zihen pa lejen përkatëse, nga subjektet në bregdet apo nga vetë pushuesit, duke vënë çadra dhe shezlongë.

“Si rezultat i kontrolleve, në plazhin e Golemit, u konstatuan dhe u hoqën 70 komplete me çadra dhe shezlongë që ishin vendosur nga qytetarët, pa lejen përkatëse”,-thuhet në njoftimin e policisë.

LEXONI GJITHASHTU:

• Hiqen çadrat e paligjshme në Ksamil, sekuestrohen 432 shezlong te Pema e Thatë
• “Mbajti shënime”, hetuesit austriakë: Autori e kishte planifikuar sulmin në shkollë