Hiqen çadrat e paligjshme në Ksamil, sekuestrohen 432 shezlong te Pema e Thatë

Sekuestrohen 432 shezlongë te ‘Pema e Thatë’, nën hetim 2 administratorë. Mbi 600 çadra dhe shezlongë në Ksamil janë sekuestruar nga policia pasi ishin vënë në kundërshtim me ligjin.

Në plazhin e quajtur “Pema e thatë” u sekuestruan 328 shezlongë dhe 164 çadra që ishin vënë pa autorizim.

Në plazhin e quajtur “Laguna” u sekuestruan 104 shezlongë dhe 52 çadra. Të dy administratorët u proceduan penalisht në gjendje të lirë pasi kishin vendosur në mënyrë të paligjshme shezlongët dhe çadrat, si dhe nuk deklaronin të ardhurat që gjeneronin nga ky aktivitet.

Policia vijon kontrollet në të gjithë vijën bregdetare me qëllim  lirimin e hapësirave në plazhe.

LEXONI GJITHASHTU:

• Bum aksidentesh në Korrik, INSTAT: 165 persona u lënduan në 125 aksidente rrugore
• 15-vjeçari humb jetën duke punuar në lavazh, arrestohet pronari i biznesit