Sekuestrohen armë e municion në Prishtinë, arrestohen disa persona

Policia e Kosovës ka njoftuar se ka arrestuar disa persona dhe ka sekuestruar armë zjarri e sasi të konsiderueshme municioni, në dy lokacione të ndara mbrëmjen e së martës në Prishtinë.

Sipas njoftimit, në një rast një automjet në “Rrugen B” kishte tentuar t’i shmangej ndalimit policor por Policia kishte e arritur nga ku kishte gjetur dy armë zjarri.

“Në rastin e dytë, pas informacioneve të siguruara në rrugë operative se një i dyshuar posedonte armë, policia ndërmori menjëherë një operacion në një lokal në rrugën ‘Kadri Zeka’ në lagjen Kalabria në Prishtinë, dhe arriti të ndalojë të dyshuarin dhe të sekuestrojë një armë zjarri”, thuhet në njoftimin e Policisë së Kosovës.

Lidhur me këto raste, Policia e Kosovës ka iniciuar një hetim në drejtim të veprave penale “Mbajtja në pronësi kontroll ose posedim të pa autorizuar të armës”.

LEXONI GJITHASHTU:

• 2 të vrarë me armë zjarri në Kosovë
• Armët vinin nga Turqia e shkëmbeheshin me kokainë, skema e trafikut Kosovë-Shqipëri