2 të vrarë me armë zjarri në Kosovë

Një ngjarje e rëndë ka ndodhur mbrëmjen e sotme në qytetin e Klinës në Kosovë, ku 2 persona kanë humbur jetën si pasojë e të shtënave me armë.

Ka qenë zëdhënësi i Policisë për rajonin e Pejës, Fadil Gashi i cili ka konfirmuar rastin.

Gashi ka deklaruar se policia u njoftua rreth orës 17:15 për të shtëna me armë zjarri në sheshin “Mujë Krasniqi”, brenda një lokali të qytetit.

“Gjatë operacionit, mjeku kujdestar ka konstatuar se një person është pa shenja jete, ndërsa një tjetër është dërguar menjëherë në emergjencë për trajtim të mëtejshëm”, tha Gashi.

Mediat në Kosovë bëjnë me dije se personi i dytë ka humbur jetën pak orë më vonë.

Në vendin e ngjarjes kanë mbërritur menjëherë organet kompetente, përfshirë policinë dhe ekipet e emergjencës mjekësore.

Ai theksoi se momentalisht organet e drejtësisë janë duke kryer hetime për të përcaktuar shkakun e saktë të incidentit tragjik.

LEXONI GJITHASHTU:

• Sulmi me thikë ndaj 4 personave në mes të rrugës në Kosovë, shkak përkatësie etnike
• FSK tregon “dhëmbët”, ushtria e Kosovës demonstron forcën në terren