Sekuestrohen pasuritë e një spitali privat në Tiranë

Me kërkesë të Prokurorisë Tiranë janë sekuestruar pasuritë e një spitali privat në kryeqytet. Sekuestrimi i pasurive të luajtshme dhe të paluajtshme ka ardhur pasi janë gjetur mbi 1 milionë euro fatura jo tatimore. Sipas prokurorisë spitali privat fshehu të ardhurat e nuk pagoi taksat.

Hetimet nisën pas denoncimit të një portugez i cili pagoi një shumë prej 5200 eurosh për marrjen e tre shërbimeve nga ky spital por doktorët që do të kryenin ndërhyrjet u larguan nga spitali.

Pas disa anulimeve, ai kërkoi kthimin e shumës së parave por pa sukses. Pas hetimeve u provua se ky spital operonte me mandate dore dhe jo kupona tatimorë. Gjatë kontrollit u gjetën 1 milionë euro fatura jo tatimore, të padeklaruara, ndërsa dyshohet se si mjekë punonin persona kryesisht turq, të palicensuar si mjekë në Republikën e Shqipërisë.

Spitali gjithashtu ka fshehur dhe nuk ka deklaruar pagën e saktë të punonjësve, si rrjedhim ka fshehur vlerën e saktë të kontributeve për sigurimet shoqërore dhe shëndetësore.

LEXONI GJITHASHTU:

• Zelenskyy: Jemi gati për bisedime paqeje, por nuk do të lëshojmë territor
• Balluku prezanton Liburn Aliun si drejtor të ri të Portit të Durrësit