Një sasi e konsiderueshme prej 4,3 ton kokainë është sekuestruar në Itali, pas një megaoperacioni të policisë në Trieste.
Media italiane, Ansa shkruan se në lidhje me këtë operacion, të koduar “Clan del Golfo”, janë lëshuar 38 urdhërarreste për persona në Kolumbi dhe Europë, teksa janë duke u kryer hetimet paraprake.
Masat e arrestit janë dhënë për persona në Itali, Slloveni, Kroaci, Bullgari, Holandë dhe Kolumbi, të gjithë të akuzuar për trafik ndërkombëtar droge.
Sasia prej 4,3 ton vlerësohet si ndër më të mëdhatë të konfiskuara ndonjëherë në Europë, ndërsa janë sekuestruar edhe 2 milionë euro.
Sipas autoriteteve italiane, për blerjen e kësaj sasie grupet kriminale kanë paguar rreth 96 milion euro. Kokaina mund të kapte në treg vlerën e 240 milionë eurove.
LEXONI GJITHASHTU
- Kapet mbi 50 kg kokainë në portin e Durrësit
- Sasi të mëdha kokaine po kapen në Europë, sipas agjencive ndërkombëtare
