Selenica e boshatisur, në qytezë gjen vetëm moshën e tretë

Dikur një qytet minatorësh, sot është kthyer në një vend për të moshuar.

Pasuria natyrore nuk mjaftoi për t’i mbajtur njerëzit në Selenicë. Kompania franceze shfrytëzon me koncension bitumin e nëntokës, i cili njësoj si njerëzit ikën jashtë vendit.

“7 mijë banorë  tani i ka 2 mijë apo si ka. A ka të rinj? Jo shumë pak ikën në emigracion për kotheren e bukës. Unë jetoj me plakën, vajzat në Itali, djalin në Greqi,” – u shpreh një qytetar.

“Kanë ikur në vendet e botës për punë. S’ka vende pune, gjithë lagjja lart s’ka më njeri, ka mbetur mosha e tretë,” – tha një tjetër.

Kryetari i bashkisë së Selenicës pranon së ka rënie të popullsisë.

“Të regjistruar jemi 35 mijë, aktualisht që jetojnë janë rreth 18 mijë banorë, por askush s’ka statistikë, në këtë flukacion që ka nuk një statistikë të saktë në çdo qendër të banuese apo në fshat,” – u shpreh Pëllumb Binaj.

Në fillim të viteve ’90 Selenica numëronte mbi 8 mijë banorë. Në atë kohë qyteza kishte trupë amatore teatri, estrade, sallë kinemaje, pallat kulture, muze, shkollë të mesme dhe bujqësore, si edhe bibliotekë publike. Sot nuk funksionon më asgjë.

LEXONI GJITHASHTU:

• Lindjet në Gjirokastër me ‘pikatore’, 2022 me numrin më të ulët në 30 vitet e fundit
• Korça, 50% më pak lindje në 10 vite