Semaforët pulsant, rrezik i shtuar për aksidentet gjatë natës

Pas mesnate semaforët në kryeqytet nuk funksionojnë si normalisht, por pulsojnë vetëm në ngjyrën portokalli që paralajmëron drejtuesit e mjeteve të tregojnë kujdes.

Por, fikja e tyre, sipas policisë, është shkak për aksidentet gjatë natës.

“Duke kombinuar disa problematika me njëra tjetrën, duke vënë në fokus lodhjen, pagjumësinë e drejtuesve të mjetit, ashtu si dhe përdorimi i pijeve alkoolike, njëkohësisht dhe mosrregullimi i shpejtësisë, ecja mbi normat e lejuara në qendrat e banuara bëhen një objekt kryesor për aksidentet rrugore, semaforët pulsantë,” u shpreh komandanti i Policisë Rrugore Tiranë, Bakalli.

Euronews Albania zhvilloi një vëzhgim gjatë orëve të para të mëngjesit shoqëruar me një patrullë të policisë rrugore.

Nënkomisar Arben Bakalli, na njohu më shumë më problematikat që hasin gjatë natës. Një ndër këto problematika është edhe drejtimi i automjeteve nën efektin e alkoolit.