Senati amerikan miraton projektligjin e parë për kontrollin e armëve

Senati amerikan miratoi të enjten një projekt-ligj për kontrollin e armëve, legjislacioni më i rëndësishëm për armët e zjarrit në gati 30 vjet, shkruan BBC.

Pesëmbëdhjetë republikanë iu bashkuan demokratëve në dhomën e sipërme të Kongresit për të miratuar masën me 65 vota pro dhe 33 kundër.

Projektligji tani do të duhet të kalojë në Dhomën e Përfaqësuesve përpara se Presidenti Biden ta nënshkruajë atë në ligj.

“Sonte, pas 28 vitesh mosveprimi, anëtarët dypartiakë të Kongresit u mblodhën për të dëgjuar thirrjen e familjeve në të gjithë vendin dhe miratuan legjislacionin për të trajtuar plagën e dhunës me armë në komunitetet tona”, tha presidenti Joe Biden.

Nëpërmjet kësaj deklarate presidenti u bëri thirrje ligjvënësve që “të votojnë menjëherë këtë projekt-ligj dypartiak dhe ta dërgojnë atë në tryezën time”.

Projektligji:

Masat përfshijnë kontrolle më të rrepta për personat mbi 21 vjeç që blejnë armë dhe se shitësit duhet të bëjnë kërkime mbi të shkuarën e blerësve.

Akti i ri përfshin 15 miliardë dollarë për programet e shëndetit mendor dhe përmirësimet e sigurisë së shkollave.

LEXONI GJITHASHTU:

• Ligji për armët në SHBA, senatorët bien dakord për ndryshimet e reja