Senatorët amerikanë letër Blinken për shqiptarët në Luginën e Preshevës

Senatorët amerikanë Joni K. Ernst dhe Gary C. Peters, i janë drejtuar me një letër Sekretarit Amerikan të Shtetit Anthony Blinken, për garantimin e të dejtave të shqiptarëve në Luginën e Preshevës.

Lajmi është bërë publik nga këshilltarja politike e Kryeministrit të Republikës së Kosovës për Preshevë, Medvegjë dhe Bujanoc, Ardita Sinanai.

Sinani ka paraqitur përmes një postimi në Twitter dhe letrën e firmosur nga dy senatorët, ku theksohet se zyrtarët lokal kanë faktuar diskriminimin e shqiptarëve nga Beogradi.

Sipas tyre kërkohet ndërhyrje për të bërë të mundur që Serbia të respektojë planin 7 pikësh që siguron të drejtat e shqiptarëve në Preshevë, Medvegjë dhe Bujanoc.

“Brifing-u për Luginën në Senatin e SHBA-ve, organizuar bashkërisht nga zyret e Senatores Joni K. Ernst dhe Senatorit Gary C. Peters, bashkëkryesues të Grupit për Çështje Shqiptare në Senat i mbajtur me 28.02.2023, dha rezultatet e veta”, shkruan Sinani.

LEXONI GJITHASHTU:

• Greqia afër njohjes së Kosovës? Reagon Athina zyrtare: Pozicioni jonë s’ka ndryshuar
• “Jemi optimist se do i bindim 5 shtetet”, Kurti: Greqia afër njohjes së Pavarësisë
• Vota abstonuese, a do ta njohë Greqia Kosovën? Flet ish-ministri i Jashtëm