“Serbët në veri ndihen të braktisur”, ekspertja: Ja ç’mendojnë për sulmin në Banjskë

Jovana Radosavljeviç, drejtoreshë ekzekutive e nismës së re sociale në Serbi ishte mbrëmjen e të premtes e ftuar në “Balkan Talks” me Franko Ergo në Eruonews Albania ku tha se serbët në veri të Kosovës, ndihen se ndaj tyre ka një politikë armiqësore të qeverisë.

E pyetur se si u perceptua nga komuniteti serb në veri sulmi në Banjskë dhe çfarë mendonin ata për autorët dhe qëllimin e vërtetë pas tij, Radosavljeviç tha se kjo nuk është një ngjarje e izoluar , por ishte e paralajmëruar. Ajo shtoi se duhet të kihet parasysh se ndikimi i Beogradit është shumë i fortë në serbët e kësaj zone të Kosovës, dhe nga ana tjetër qeveria e Kurtit sipas saj nuk ua ka bërë më të lehtë banorëve, pasi ata ndihen të shtypur, të braktisur dhe nuk kanë më besim te askush.

“Kur flasim për Banjskën, s’mund të flasim për një ngjarje të izoluar. Kjo është diçka që ne si shoqëri civile e kemi paralajmëruar për më shumë se një vit në atë moment, atmosfera që është krijuar në veri të Kosovës, si rezultat i mungesës së progresit në procesin e dialogut dhe veprimet aktuale të njëanshme të qeverisë së Kosovës, apo mungesës së veprimeve, në fakt, kanë çuar në këtë tension, madje edhe në radikalizëm. Pra, çdo veprim që erdhi nga qeveria e Kosovës, çoi në njëfarë reagimi radikal të komunitetit, të cilët u ndjenë edhe më të shtypur nga institucionet e Kosovës.

Nëse flet me serbët e Kosovës, si e paraqesin dhe si e shohin qëndrimin e qeverisë së Kosovës ndaj tyre, do të thoshin se është armiqësore, duan t’i zbutin, po i bëjnë ta pranojnë me pahir sovranitetin e Kosovës, po e them shumë prerazi këtë. Pra, ata nuk shohin asnjë lloj qëllimi të mirë dhe reagimi u perceptua nga kjo. Kjo qeveri u sigurua me të vërtetë që kështu të ndiheshin. Nëse përpiqeni me forcë të shkoni dhe të zbatoni një politikë të caktuar, do të merrni një reagim të ashpër në komunitet.

Prandaj kemi barrikada të shumta me kalimin e kohës, që në fakt u hoqën, mendoj se kulmi ishte në rastin e Banjskës. Atmosfera pas kësaj, do të thosha, kur flasim për komunitetin lokal, ata ndiejnë një ndjenjë empatie. Thjesht janë shumë të zhgënjyer, mendojnë se janë të braktisur, që kanë mbetur vetëm dhe nuk mund t’i besojnë më askujt”,-tha ajo.

LEXONI GJITHASHTU:

• Ekspertja: Ja ç’do ndodhë mes Kosovës dhe Serbisë nëse Trump fiton zgjedhjet në SHBA
• “Rezoluta për Srebenicën e vonuar”, Musliu: Në Serbi gjenocidi përkujtohet si festë