“Rezoluta për Srebenicën e vonuar”, Musliu: Në Serbi gjenocidi përkujtohet si festë

Analisti nga RMV Albert Musliu tha në një intervistë për Euronews Albania se miratimi në OKB i rezolutës për gjenocidin në Srebrenicë është i vonuar.

Ai tha se ajo ngjarje tronditi gjithë rajonin, ndërsa theksoi se në Serbi prej vitesh është manifestuar kjo ngjarje tronditëse që në pak ditë u mori jetën mijëra personave.

“Kjo do të ketë pasojë edhe në ligjin ndërkombëtarë të Serbisë, por kjo është një pasojë sipas meje shumë e vonuar. Ai ishte një akt që tronditi gjithë rajonin nga momenti që ka ndodhur e deri më tani. Atje çdo vit ka pasur manifestime të cilët përurojnë ditën, s’dua të them e festojnë, por e përurojnë ditën kur ka ndodhur kjo masakër.

Këtë e kanë konfirmuar edhe partnerët ndërkombëtarë, madje edhe një pjesë e fuqive të OKB-së kanë qenë edhe mbështetësit më të mëdhenj që të mbahej përgjegjësi ndaj këti akti ku për disa ditë janë vrarë me mijëra njerëz”,-tha Musliu.

LEXONI GJITHASHTU:

• Rezoluta për gjenocidin në Srebrenicë/ Igli Hasani: 11 korriku shërben si kujtesë…
• OKB miratoi rezolutën për Srebrenicën, Osmani: Mohimi i gjenocidit nuk sjell paqe