Serbët nisin grumbullimet në Veri, kryetari i Zveçanit e kalon natën në zyrë

Pas tensioneve të djeshme të krijuara nga grupe serbësh dhe përleshjes së tyre me ushtarët e KFOR-it, sidomos në Zveçan, nata në veri të vendit ka kaluar e qetë.

Pranë ndërtesave të Komunave në Zvecan, Leposaviq dhe Zubin Potok, ka prani të pjesëtarëve të KFOR-it, por edhe të Policisë së Kosovës, të cilët po kujdesen për ruajtje të rendit, raportojnë mediat e Kosovës

Serbët kanë paralajmëruar protesta të përditshme duke kundërshtuar kështu prezencën e kryetarëve të rinj në ndërtesat komunale, si dhe tërheqjen e forcave speciale të Policisë së Kosovës nga veriu.

Në anën tjetër, në veri të Mitrovicës pranë ndërtesës së Komunës nuk ka pjesëtarë të KFOR-it dhe as prani të shtuar të policëve, përveç një automjeti të këtyre të fundit që ndodhet disa metra larg objektit komunal.

Sipas të dhënave kryetari i Komunës së Leposaviqit, Lulzim Hetemi, e ka kaluar natën në objektin e komunës.

Ai kishte shkuar në komunë dje para se të niste protesta e qytetarëve serbë, dhe më pas kishte mbetur i bllokuar për ta kaluar natën aty.

Edhe ditën e sotme janë parlajmëruar protesta, ku ka filluar mbledhja e qytetarëve serbë në ambientet e jashtme të komunave në veri të Kosovës.

LEXONI GJITHASHTU:

• Huliganët e Veljko Belivuk e Dragan Smigiçin, kush janë personat që dhunuan KFOR-in
• KFOR: Kemi rreth 25 ushtarë të plagosur në veri të Kosovës
• “Dhuna duhet të ndalet menjëherë”, ambasadori Rohde shkruan për situatën në Kosovë