“Serbët provokatorë”, gazetari Egro: Tensionet në Veri po krijohen enkas

Gazetari dhe autori i “Balkan Talks”, Franko Egro tha në një intervistë për Euronews Albania se situata aktuale në veri të Kosovës i kujton tensionet që u krijuan me barrikadat për çështjen e targave.

Ai i cilësoi serbët si provokatorë, ndërsa tha se gjendja që është tani është e krijuar enkas nga ta.

“Sërish faktori ndërkombëtar e kritikoi dhe tha ‘nuk duhen bërë gjëra të nxituara, por duhen bërë gjëra të menduara’ dhe e menduar unë gjykoj, në prioritetin absolut të faktorit ndërkombëtar është marrëveshja e Ohrit dhe agjenda që ata e kanë përcaktuar që kjo marrëveshje të implementohet. Kjo situatë e krijuar tani nuk mund të zgjidhet me forcë.

Nga njëra anë kryetarët e bashkive të zgjedhur nuk mund të shkojnë përditë me policë në punën e tyre. Qytetarët të organizuar nga Lista Serbe, një parti politike, zgjatim i presidentit Vuçiç do të jenë aty për të krijuar tensione. Pra, ky provokim nuk mund të ballafaqohet me një qëndrim të tillë nga ana e kryeministrit Kurti, por situata duhej të mbahej e qetë dhe gjithçka duhej të bëhej në unison të plotë me faktorin ndërkombëtar,” – u shpreh Egro.

LEXONI GJITHASHTU:

• Digjet makina e një medie në veri të Kosovës
• Trazirat në Veri janë politike, avokati: Vuçiç ka manipuluar situatën