Një media e Kosovës ka publikuar një hulumtim ku tregohet se Serbia ka tendencë për blerjen e mediave në Ballkan.

Ndërkohë ministrja e Drejtësisë, Albulena Haxhiu, ka dorëzuar në prokurori të dhënat e publikuara me këtë rast.

Përmes një deklarate për mediat, Haxhiu tha se është e rëndësishme që të hetohet më shumë për këtë rast dhe të kuptohet se kush media apo portale të Kosovës financohen nga Serbia.

“Ashtu siç e keni parë dje në RTK live është publikuar një hulumtim që ndërlidhet me tendencën e Serbisë për të blerë media në Ballkan. Në këtë rast përmenden dy portale, Periskopi dhe Nacionalja, që thuhet sipas hulumtimit që financohen nga Serbia, nga qeveria e Serbisë.

Kam ofruar para prokurorisë edhe këtë lajm që është publikuar nga RTK live, sepse është e rëndësishme që të dimë se kush nga portalet financohet nga Serbia. Unë po them edhe njëherë që nuk është përgjegjësi e imja që të them se çka dhe kush e ka përgatitur hulumtimin. Ajo çka është e rëndësishme është që e përditshmja atje është kredibile dhe hulumtimi është bërë nga ata.

Prandaj i përket institucioneve përgjegjëse që të hulumtojnë më shumë, që të hetojnë më shumë këtë rast. Unë e pata për obligim që t’ia ofroj ato që i kam parë edhe vetë, jo vetëm në cilësinë e ministres së Drejtësisë, por edhe në cilësinë e qytetares së Republikës së Kosovës”, tha Haxhiu.

LEXONI GJITHASHTU:

• Shpërthimi afër Ujmanit, Kurti: Serbisë s’i leverdis normaliteti në atë zonë
• Albulena Haxhiu: Serbia po organizon arratisjen e të burgosurve nga Kosova