“Serbia e qepi sipas interesave marrëveshjen”, Pacolli: Kurti shkoi i papërgatitur

Kryetari i AKR, Behgjet Pacolli tha në emisionin Now në Euronews Albania se Albin Kurti shkoi i papërgatitur në takimin e Ohrit përballë presidentit serb Aleksandër Vuçiç.

Sipas tij, nga marrëveshja e arritur në Ohër, Serbia fiton më shumë se Kosova, por tani është shumë vonë dhe klasa politike duhet të mendoj rrugën si të përmbushë detyrat që ka marrë përsipër.

“Kurti nuk ka pasur një staf të përgatitur. Vërtetë nga një njëri nuk pritet mrekulli, por kishte mundësi të krijonte një staf të fortë, qoftë edhe nga shoqëria civile dhe situata do të ishte ndryshe. Dialogu është kryer me dy njerëz, Kurti dhe Bislimi që nuk kanë treguar para qytetarëve çfarë po bëhet”, tha Pacolli.

LEXONI GJITHASHTU:

• Fitoi Kurti apo Vuçiç? Begjet Pacolli: Gjëja e madhe që na morën serbët në tavolinë
• Kurti takim me ambasadorët e akredituar në Kosovë, zbardhet biseda