Serbia fushatë me Milosheviçin, Daçiç: Mbrojti serbët, nipi do jetë deputeti ynë 

Ministri i Jashtëm serb dhe kreu i partisë socialiste, Ivica Daçiç ka zgjedhur që fushatën elektorale të zgjedhjeve të 17 dhjetorit ta bazojë në figurën e të dënuarit nga Haga si kriminel Lufte, Sllobodan Milosheviç.

Në një takim elektoral të zhvilluar në qytetin Milonavc, Daçiç prezantoi si kandidat për deputet nipin e diktatorit Maro Milosheviç. Daçiç tha se deklaroi se Millosheviçi është shembulli i politikanit që i duhet Serbisë dhe ai u dënua në emër të gjithë serbëve në Hagë.

‘Sllobodan Miloshevic u dënua në emër të mbarë vendit dhe mbarë popullit dhe ndaj sot nipi i tij qëndron me krenari si kandidat për deputet i koalicionit tonë. Kjo tregon se idetë e së vërtetës dhe të drejtësisë dhe dashuria për vendin përcillen mes socialistëve brez pas brezi”.

Daçiç drejton partinë socialiste e cila solli në pushtet Milosheviçin, e cila asnjëherë nuk ka dënuar krimet kundër shqiptarëve të Kosovës, kroatëve dhe boshnjakëve gjatë viteve ’90. Në këtë fushatë elektorale, Daçiç që ka mbajtur për shumë vite postin e zëvendëskryeministrit dhe ministrit të jashtëm synon të zgjidhet kryeministër.

LEXONI GJITHASHTU:

• Fushatë e ashpër në Serbi, Bërnabiç: Po i shajnë prindërit Vuçiç, s’kam fjalë
• “Më sulmojnë se kam buzë të shëmtuara”- Vuçiç: Fahri Musliu s’është babai im