Gjenerali Dedë Prenga tha në emisionin Review në Euronews Albania se ngjarja e ndodhur në Banjskë në 24 shtator nuk ishte sulm terrorist por agresion ushtarak.
Ai u shpreh se afrimi i ushtrisë serbe në kufi me Kosovën është në shkelje të plotë me marrëveshjen e Kumanovës, ndërsa tregoi se në orët e mbrëmjes nën presionin e SHBA dhe BE, Serbia ka nisur tërheqjen e pjesshme të trupave nga kufiri me Kosovën.
“Ai zhvillim (sulmi në Banjskë) nuk ishte një iniciativë apo veprim i një grupi terrorist , për numrin e armatimit, profesionalizim e 80 vetave mund të quhet hapur një agresion ushtarak. Prezenca e ushtrisë serbe në kufi me Kosovën është një problem edhe më i madh por falë prezencës së SHBA ata i kanë kërkuar me këmbëngulje Serbisë për tërheqjen e trupave në kufi me Kosovën. Sot në darkë pala serbe nën presionin e SHBA dhe BE ka nisur tërheqjen e pjesshme të trupave pasi janë në shkelje të marrëveshjes së Kumanovës”, tha gjenerali.
LEXONI GJITHASHTU:
- “Serbia është armatosur rëndë”, Lleshaj: E ka detyrë kushtetuese të rimarrë Kosovën
- Paralajmërimi i ish-gjeneralit: Duhet të armatosemi dhe ne, Serbia po përgatit diçka
