Ish-shefi i shërbimit të inteligjencës në Serbi (BIA), Aleksandër Vulin, konfirmoi se nuk e ka lejuar këngëtaren boshnjake, Selma Bajrami që të futet në Serbi.
Ai tha se vendimi ka ardhur për shkak se ajo ka bërë një simbol të Shqipërisë së Madhe.
“Nuk mund të shfaqësh simbolet e Shqipërisë së Madhe dhe të marrësh paratë në Serbi. Siç e kam thënë, kur shërbeja si drejtor i BIA, kam lëshuar një numër urdhrash për të gjithë ata që fyejnë dinjitetin e Serbisë dhe popullit”, tha Vulin.
Këngëtarja boshnjake me origjinë shqiptare u ndalua në aeroportin e Beogradit, teksa po futej në Serbi. Ajo u kthye mbrapsht me fluturimin e radhës për në Sarajevë.
Arsyeja thuhet se është një performancë e saj e fundit ku Bajrami bëri me duar shqiponjën dykrenare.
LEXONI GJITHASHTU:
- Daçiç: Serbia nuk do të lejojë anëtarësimin e Kosovës në OKB
- 740 mln euro të tjera për pajisje ushtarake, Serbia vazhdon të armatoset
