Serbia shkel sanksionet ndaj Rusisë, furnizon Moskën me mallra të ndaluara

Kompanitë serbe kanë furnizuar Rusinë me pajisje teknologjike duke thyer kështu sanksionet e Shteteve të Bashkuara të Amerikës dhe Bashkimit Europian.

Bizneset nga Serbia kanë furnizuar Rusinë me produkte që janë në listën e sanksioneve ekonomie nga SHBA dhe BE. Mediat perëndimore shkruajnë se gjatë vitit të fundit, një pjesë e bizneseve në Beograd kanë kryer aktivitet tregtar në kundërshtim me vendimet ndërkombëtare për të ndëshkuar ekonomikisht Rusinë për agresionin në Ukrainë.

Në listën e produkteve janë pajisje teknologjike të cilat janë blerë për tu përdorur në Serbi, por janë transferuar më pas drejt vendit që është në sanksione të forta ekonomike.

Gjatë nisjes së agresionit rus në Ukrainë, zyrtarët lartë deklaruan se nuk do të vendosnin sanksione ndaj Rusisë. I gjendur në presionin e fortë ndërkombëtar, Presidenti Aleksandër Vuçiç deklaroi se e dënonte sulmin rus, por nuk do të bëhej pjesë e sanksioneve.

Dërgimi i pajisjeve teknologjike në Moskë nuk cilësohet vetëm refuzim i sanksioneve, por edhe dëmtim i interesave ndërkombëtare. SHBA vendosi bllokimin e pajisjeve teknologjike në Rusi me argumentin se ato mund të përdorën për të ndihmuar makinerinë e luftës se Vladimir Putin kundër Ukrainës.

Kompania që ka kryer shkeljen e sanksioneve ka rritur shkëmbimet tregtare me Rusinë afërsisht në 150 milionë euro gjatë vitit të fundit. Një shumë e tillë tregon për volumin e madh të shkëmbimeve mes dy vendeve, pavarësisht kërkesës së BE ndaj Beogradit për të rishikuar diplomacinë e jashtme.

LEXONI GJITHASHTU:

• Ekonomistja: Serbia ka çmime më të lira krahasuar me Kosovën e Shqipërinë
• Kritiku i Vuçiç ikën nga Serbia: Do kërkoj azil, lashë djepin e të keqes në Ballkan