Presidentja e Kosovës, Vjosa Osmani deklaroi se asnjë shtet i cili ndjek rrugën e Rusisë dhe presidentit të saj Vladimir Putin, nuk mund ta ketë vendin në Bashkimin Europian, duke iu referuar Serbisë.
Deklaratën, Osmani e dha këtë të enjte nga Brukseli për mediat, pak para fillimit të Samitit të BE-së.
Sipas saj, nuk mund të ndiqen dy rrugë njëkohësisht, ajo e Rusisë dhe e Bashkimit Evropian.
“Besoj se të gjitha vendet e Ballkanit Perëndimor e meritojnë të jenë këtu sot, për të shprehur pikëpamjet e tyre dhe zërin e njërezve të tyre. Ato vende të cilat janë të përkushtuara në rrugën europiane, duhet të shkojnë përpara. Ato vende të cilat besojnë se mund të ndjekin rrugën e Rusisë, Putinit dhe atë të BE-së njëkohësisht, nuk meritojnë rrugë europiane. Nuk mund të ndjekësh rrugën e Rusisë dhe BE-së njëkohësisht”, theksoi Osmani.
Në lidhje me liberalizimin e vizave, Osmani nënvizoi se Kosova pret një mesazh më të qartë nga Bashkimi Evropian.
LEXONI GJITHASHTU
- Osmani: Mesazh të qartë nga BE, të mos lihet hapësirë për aktorë të tjerë
- Rama në Bruksel: Bullgaria po mban peng dy vende të NATO-s
- Sot dhe nesër mbahet samiti i BE-së në Bruksel
