Seria A| 4 fitore radhazi për Juventus, ruan vendin e dytë

Një gol i Miretti i ka mjaftuar Juventusit të dalë me 3 pikë nga Artemio Franchi. Duke mposhtur minimalisht Fiorentinën. Një përballje e dominuar nga skuadra violë, por pa mundur të depërtojë në mbrojtjen bardhezi, ndërsa i vetmi rrezik për Sheznin vinte nga gjuajtjet nga distanca. Pjesa e parë nisi mirë për Fiorentinën, por një kundërsulm i Juventusit, i udhëhequr nga Rabiot gjeti të papërgatitur difensivën violë, duke shënuar me Miretti që në minutën e 10.

80 minutat në vijim folën vetëm për Fiorentinën, por që Shezni ishte i pakalueshëm, duke bërë që bardhezinjtë të rrëmbejnë fitoren e 4 radhazi dhe të 8-ën në kampionat. Përmbysje regjistroi Roma në shtëpi në përballjen me Lecce, edhe pse mund ti kishte qartësuar gjërat që në fillim. Lukaku shpërdoroi një 11metërsh, ndërsa gjuajtja e tij u kap nga portieri.

Fraksioni i parë nuk prodhoi gola, ndërsa në të dytin surprizoi Leçe, që kaloi në avantazh me Almqvist. Kur u duk se miqtë do të merrnin një fitore me shumë vlerë, asgjë nuk rezultoi e tillë pas Azmoun barazoi në minutën e parë të shtesës, ndërsa në të 94’ ishte radha e Lukakut për të shlyer gabimin dhe fituar 3 pikët për Romën e Mourinhos.

LEXONI GJITHASHTU:

• Osmani trajneri i ri i Vllaznisë/ Sfida me Erzenin, tekniku: Synojmë kreun e tabelës
• Vllaznia shkarkon trajnerin Migen Memellin