Setién zbulon vonesat dhe borxhet nga klubet që drejtoi: Disa ende nuk më kanë paguar

Karriera e trajnerit spanjoll Quique Setién ka qenë e gjatë, por jo gjithmonë e mbushur me momente pozitive, duke përfshirë edhe vonesa të mëdha në pagesa nga disa klube që ai drejtoi.

Në një intervistë për programin “El Larguero”, Setién, 67 vjeç, tregoi se disa klube kishin nevojë për vite për t’i paguar, ndërsa të tjerët ende nuk e kanë bërë këtë.

“Gjithçka u zgjidh me Barcelonën. Atyre iu deshën tre ose katër vjet për të më paguar, por tani i kanë përmbushur të gjitha detyrimet dhe nuk më detyrohet më asgjë”, tha trajneri, duke kujtuar edhe përvojën e tij në Katalonjë.

Setién shtoi se nuk pendohet që shkoi te Barça, por do të dëshironte që gjërat të kishin shkuar ndryshe, pasi ai nuk erdhi në një kohë kur kishte lojtarë të rinj premtues dhe një atmosferë të mirë. Ai drejtoi klubin midis janarit dhe gushtit 2020.

Trajneri gjithashtu konfirmoi se ende ka një padi kundër Villarrealit, të cilin e drejtoi midis viteve 2022 dhe 2023:
“Nuk kam marrë asnjë pagesë prej tyre dhe kanë kaluar pothuajse dy vjet. Çështja është në gjykatë. Kemi pritur një vendim për një vit e gjysmë që të marr atë që më detyrohen”, tha Setién.

Aktualisht pa klub, ai la pozicionin e trajnerit të ekipit kinez Beijing Guoan në tetor të kaluar. Karriera e tij përfshin gjithashtu eksperiencë me Betis, Las Palmas dhe ekipin kombëtar të Guinesë Ekuatoriale.