Sfida në Basel, kush është arbitri i njohur që do të gjykojë ndeshjen Zvicër-Kosovë

Zvicra dhe Kosova do të përballen të premten në Basel, me nisjen e kualifikimeve për Kupën e Botës 2026, në orën 20:45.

“Dardanët” zhvilluan këtë të mërkurë stërvitjen e fundit para nisjes drejt Zvicrës, me synimin për të arritur një rezultat pozitiv.

Gjyqtar i kësaj sfide do të jetë polaku i njohur Szymon Marciniak, ndërsa anësorë do të jenë Tomasz Listkiewicz dhe Adam Kupsik.

Paweł Raczkowski do të jetë gjyqtari i katërt, ndërsa në VAR do të punojnë Paweł Kwiatkowski dhe Wojciech Myć, të njohur në ligën polake.

Atmosfera në Basel pritet të jetë elektrizuese, me shumë tifozë shqiptarë që kanë blerë bileta për të mbështetur Kosovën.

Zvicra konsiderohet favorite për shkak të eksperiencës dhe cilësisë së skuadrës, që është më e përgatitur për turnetë e mëdha ndërsa në Grupin B garojnë edhe Suedia dhe Sllovenia.

Megjithatë, përballjet e fundit mes Zvicrës dhe Kosovës kanë qenë të balancuara. Që nga viti 2022, këto dy skuadra janë përballur tri herë, duke përfunduar secila ndeshje me barazim, gjë që e bën këtë sfidë edhe më të pritur.

LEXONI GJITHASHTU:

• Kalimi te Juventusi, Albin Kurti videotelefonatë me Edon Zhegrovën: Krenarë për ty
• “Fola 30 minuta në telefon me të, fat të mbarë”, Sylvinho tregon si u largua Bajrami