Brahim Shabani, organizatori i protestës që është organizuar në Gjermani në  mbështetje të Kosovës tha se shteti gjerman  e kuptoi mesazhin e protestës ku dhe i lejoi që ta zhvillonin atë.

Në një intervistë për Euronews Albania ai tha se me anë të protestës donin që t’i përcillnin dhe një mesazh Francës pasi sipas tij sjellja e kësaj  të fundit nuk ka qenë e duhura ndaj barrikadave dhe ndaj Serbisë.

“Për fat të mirë, amabsadori gjerman në Prishtinë disa herë ka kërkuar që barrikadat të hiqen. Ai vet i ka konsideruar si barrikada të dhunës dhe Gjermania e kuptoi jashtëzakonisht mirë këtë mesazh. Franca është jashtëzakonisht indiferente sa i përket sllavëve. Shohim sjelljen franceze ndaj Serbisë dhe Kosovës. Ne shohim se  ndarja e parë e Kosovës veriore është bërë nga KFOR francez dhe këta e kanë një lidhje të ngushtë. Zgjodha që protesta të bëhet pikërisht atje në mënyrë që edhe ne Francës t’i dërgojmë një mesazh. Sjellja e Francës ndaj barrikadave dhe ndaj serbëve nuk është në rregull”- tha ai.

LEXONI GJITHASHTU: 

• ‘Paga nën nivelin e minimumit jetik’, Spahiu: Në Shqipëri, i detyruar të vjedhësh
• ‘2022, viti i mjerimit’, Kreshnik Spahiu: Rama i konsumuar, s’ka çfarë të japë më
• A do të kandidojë për grupimin e Alibeajt? Përgjigjet Shemsi Prençi