“Shah Mat”, njihuni me Brianin, shahistin 7-vjeçar dy herë kampion

Brian është 7-vjeç dhe ka filluar të luajë shah që në moshën 5-vjeçare. Më 14 qershor 2025 ai u shpall kampion për herë të parë në shah, ndërsa më 26 tetor po të këtij viti arriti të shpallet kampion për herë të dytë, duke fituar medalje dhe një kupë.

Pavarësisht moshës së vogël, Brian tregon pjekuri dhe vendosmëri të admirueshme. Di të gëzojë për fitoret, por edhe të mësojë nga humbjet. Ai e sheh lojën e shahut si një mënyrë për të zhvilluar mendimin dhe durimin.

“Më ka mësuar babi të luaj shah në moshën 5-vjeçare. Dua të arrij titullin Grand Master. U shpalla kampion në 14 qershor 2025. Kjo është hera e dytë që marr medalje. Kam marrë edhe një kupë. Është shumë e vështirë loja e shahut. Lojën e kam mësuar duke u stërvitur me profesorin, për 10 muaj më stërvit profesor Llambi.

Brian ka folur edhe për marrëdhënien me shkollën dhe shahun. Ai tregon se luan çdo ditë shah por duke rregulluar oraret që t’i kushtojë kohën e duhur edhe studimeve.

“Mësoj, pastaj bëj detyrat, dhe më pas luaj shah. Luaj çdo ditë nga 1 orë e 30 minuta shah. Kur kam humbur, jam mërzitur pak, por edhe nga humbja duhet të mësojmë diçka të re që të mos e përsërisim gabimin herën tjetër.

Sa i përket medaljeve që kam marrë, këtë e kam fituar më 14 qershor 2025, kurse këtë tjetrën më 26 tetor 2025. Kur fitova medaljen, prindërit më përqafuan dhe më thanë bravo. Për të gjithë shokët do të thoja që të luajnë shah dhe të merren me këtë sport”, shprehet 7-vjeçari Brian.

LEXONI GJITHASHTU:

• “Nga epilepsia deri tek…”/ 30% e shqiptarëve me probleme neurologjike të ndryshme
• Dropull, përkujtohet dita e “JO!”-së së Greqisë kundër fashizmit